Lam 5 | OHB | STEP | זְכֹ֤ר יְהוָה֙ מֶֽה־הָ֣יָה לָ֔נוּ הביט וּרְאֵ֥ה אֶת־חֶרְפָּתֵֽנוּ׃

Lamentations 5

1 זְכֹר יְהוָה מֶֽה־הָיָה לָנוּ הביט ^{▼▼ הביטהַבִּיטָה
(Qere)} וּרְאֵה אֶת־חֶרְפָּתֵֽנוּ׃ 2 נַחֲלָתֵנוּ נֶֽהֶפְכָה לְזָרִים בָּתֵּינוּ לְנָכְרִֽים׃ 3 יְתוֹמִים הָיִינוּ אין ^{▼▼ איןוְאֵין
(Qere)} אָב אִמֹּתֵינוּ כְּאַלְמָנֽוֹת׃ 4 מֵימֵינוּ בְּכֶסֶף שָׁתִינוּ עֵצֵינוּ בִּמְחִיר יָבֹֽאוּ׃ 5 עַל צַוָּארֵנוּ נִרְדָּפְנוּ יָגַעְנוּ לא ^{▼▼ לאוְלֹא
(Qere)} הֽוּנַח ^{▼▼Marks a place where we agree with BHQ against BHS in reading L.} ^{▼▼We read one or more accents in L differently than BHS. Often this notation indicates a typographical error in BHS.} ^{▼▼We read punctuation in L differently from BHS.} לָֽנוּ׃ 6 מִצְרַיִם נָתַנּוּ יָד אַשּׁוּר לִשְׂבֹּעַֽ לָֽחֶם׃ 7 אֲבֹתֵינוּ חָֽטְאוּ אינם ^{▼▼ אינםוְאֵינָם
(Qere)} אנחנו ^{▼▼ אנחנווַאֲנַחְנוּ
(Qere)} עֲוֺנֹתֵיהֶם סָבָֽלְנוּ׃ 8 עֲבָדִים מָשְׁלוּ בָנוּ פֹּרֵק אֵין מִיָּדָֽם׃ 9 בְּנַפְשֵׁנוּ נָבִיא לַחְמֵנוּ מִפְּנֵי חֶרֶב הַמִּדְבָּֽר׃ 10 עוֹרֵנוּ כְּתַנּוּר נִכְמָרוּ מִפְּנֵי זַלְעֲפוֹת רָעָֽב׃ 11 נָשִׁים בְּצִיּוֹן עִנּוּ בְּתֻלֹת בְּעָרֵי יְהוּדָֽה׃ 12 שָׂרִים בְּיָדָם נִתְלוּ פְּנֵי זְקֵנִים לֹא נֶהְדָּֽרוּ׃ 13 בַּחוּרִים טְחוֹן נָשָׂאוּ וּנְעָרִים בָּעֵץ כָּשָֽׁלוּ׃ 14 זְקֵנִים מִשַּׁעַר שָׁבָתוּ בַּחוּרִים מִנְּגִינָתָֽם׃ 15 שָׁבַת מְשׂוֹשׂ לִבֵּנוּ נֶהְפַּךְ לְאֵבֶל מְחֹלֵֽנוּ׃ 16 נָֽפְלָה עֲטֶרֶת רֹאשֵׁנוּ אֽוֹי־נָא לָנוּ כִּי חָטָֽאנוּ׃ 17 עַל־זֶה הָיָה דָוֶה לִבֵּנוּ עַל־אֵלֶּה חָשְׁכוּ עֵינֵֽינוּ׃ 18 עַל הַר־צִיּוֹן שֶׁשָּׁמֵם שׁוּעָלִים הִלְּכוּ־בֽוֹ׃ פ 19 אַתָּה יְהוָה לְעוֹלָם תֵּשֵׁב כִּסְאֲךָ לְדֹר וָדֽוֹר׃ 20 לָמָּה לָנֶצַח תִּשְׁכָּחֵנוּ תַּֽעַזְבֵנוּ לְאֹרֶךְ יָמִֽים׃ 21 הֲשִׁיבֵנוּ יְהוָה ׀ אֵלֶיךָ ונשוב ^{▼▼ ונשובוְֽנָשׁוּבָה
(Qere)} חַדֵּשׁ יָמֵינוּ כְּקֶֽדֶם׃ 22 כִּי אִם־מָאֹס מְאַסְתָּנוּ קָצַפְתָּ עָלֵינוּ עַד־מְאֹֽד׃